Aikitaiso

A si trate di une discipline ch’à po sei praticade ancje da cui ch’al non si interesse di arts marziâls. Al è il risultât di une profonde analisi fate da O-Sensei Morihei Ueshiba rispiet a las plui importantes pratiches fisiches e meditatives orientâls (Katsugen, Do-in, Shiatsu, Kuatsu, Zen, Sumo, Omotokyo e cetantes atres).

 Il Taiso (Tai= cuarp, So= moviment) al è, par un cert aspiet, un esercizi di netisie dal cuarp. Traviârs  une buine gjnastiche, un lavôr su la posture e su la respirazion, il moviment rigeneratôr, e traviars la stimolazion dai ponts da l’agopunture, al smole diretamenti las rigiditâts dal cuarp, al disvuede la memorie di ce ch’al è stât e al libere totalmenti il pinsîr.Il Taiso al si fonde sul principi che il svilup dal cuarp, ch’al ven dal bas viers l’alt, al sta daûr a un ritmi e a une cronoligje specifiche; ancje il svilup psichic al sta daûr a chest ritmo e il cuarp al ten denti ducj i ricuarts da vite ch’o vivìn.La fuarce che une bande dal cuarp a scuen meti in vôre su che altre par mantignî l’inconscio a è pardabon l’origjne das nestes patologjes, di cetancj dai nestis problemes. 

Il Taiso al è in dì di vuê, puartât indevant dal Mestri André Cognard. Grassie al so lavôr a è stade creade la Accademie di Aiki-Taiso dulà ch’à si organizin i cors di formazion.Fasint chestes esperiences, il praticant ch’al vûl dedicâsi dal dut al la comprension di cheste discipline, al ven ben planc ben planc preparât al insegnament ancje traviars il studi di materies come la Psicologjie, Filosofie, Anatomie e Fisiologjie. In Italie, dilà dai stage dal Maestri Cognard, a si organizin cors e lezions tignûts dai arlêfs dal Istitût di Aiki-Taiso.

Eventi

 Aikido   Aikitaiso    Cordovado  

    Foto      Contatti    Link              

  Index                   Home      

e-mail : aikido.cordovadolibero.it