Aikido

(kb 95pdf)

L’Aikido a è une art marziâl disvilupade in Gjapon ma ch’a cjate las sôs origjines t’a esperience millenarie das dissiplines cinêses e coreanes. Traviars l’opere di O-Sensei Morihei Ueshiba, il fondatôr dal Aikido cussì nomenât moderno, e dai siei direts dissepui, al à vût une difusion a nivel mondiâl.

J volin memoreâ che las fotos e i coments in chest sito a vegnin fûr da pratiche dal Aikido Kobayashi Hirokazu, cence cjapâ denti scueles o stiis ch’à  derivin dal lavôr di altris direts dissepui dal fondatôr.

Segont il nestri parêr a no po esisti (ancje se cualchidun ch’al ten dûr a puartale indevant) une version uficiâl su ce ch’al è l’Aikido, ch’à meti dongje l’opinion dai milions di praticants, cussì come che al nol esist e a nol è mai esistût un unic mût di praticâ l’Aikido (né in Orient, Gjapon comprendût, ne vuê in Ocident).La rispueste a pos jessi e a scuen jessi personâl e a dipent da apartignince, da esperienze fate e das capacitâts personâls.

 Tal Aikido di Kobayashi Hirokazu Soshu al è fondamentâl il concet di libertât individuâl e da chest concet a ven fûr une strategje d’azion e une estetiche (posture drete cui flancs ecuilibrâts e mobil, la voglade libere) che metudes dongje a la trancuilitât interior a permetin a cui ch’al è atacât di fa rivivi e fâ rivalutâ a chel ch’al dà sot las motivazions dal so atac.

Sì che duncje cui ch’al à atacât, a la puarte fûr san e salf e tal stes timp al è stât protagonist di une azion che, traviars leves e imobilizazions articolârs e traviars proiezions, e à puartât un zovament al so cuarp e a la so ment.

Tal Aikido Kobayashi no si pratiche nome il Taijutsu ma si doprin ancje las armes (il bokken, o spade di len, e il jo ch’al sares un baston lunc dongje 1.30 metros e larc dai 2,5 ai 3 centimetros) t’al Tantodori, Jodori e Kendori (leteralmenti cjapâ, tal sens di disarmâ, il curtis, il baston e la spade) e soredut t’al Aikijo e Aikiken (praticihs che in altris scuelis a son sparides cence spiegazion ancje se a erin un aspiet fondamentâl t’al Aikido di Morihei Ueshiba, e sostituides cul Kenjutsu e cul Jodo che però a fasin part a tradizions marziâls par loro cont).

T’al Aikiken e t’al Aikijo, la ricercje da trancuilitât interne, la abilitât a doprâ il cjalâ, il spazi e il timp, a traspuartin i praticants in t’une dimension divierse e t’al stes timp reâl, rispiet a che ch’a si vîv ta vite di ducj i dîs.Po dopo al sarà pussibil, cul pui fâ, passâ cheste concezion dal timp e dal spazi dal contest marziâl a chel sociâl metinsi, tai confronts cun chei altris, in un gnûf e pui alt nivel di cussience.

Eventi

 Aikido   Aikitaiso   Cordovado 

    Foto      Contatti    Link              

  Index                   Home     

e-mail : aikido.cordovadolibero.it